حلا شيحة تهاجم تامر حسني بعد نشره مشاهد تجمعهما معاً.. ما القصة؟

أثارت الفنانة المعتزلة حلا شيحة موجة من الجدل بعد توجيهها رسالة لتامر حسني تعلن فيها استياءها من عرض كليب يضم بعض المشاهد التي تجمعهما ضمن أحداث فيلم "مش أنا".

قامت الفنانة حلا شيحة بإلغاء متابعة الفنان تامر حسنى على موقع "إنستغرام" رغم مشاركتهما مؤخراً في فيلم "مش أنا"

وقالت شيحة، عبر حسابها الرسمي في موقع "إنستغرام": أنا اتفاجئت جداً بنزول كليب يجمع فيه مشاهد متفرقة من الفيلم وفي أيام ذي الحجة المباركة وخصوصاً بعد آخر بوست نزلته ووضحت فيه أنا ايه".

وأضافت: "اتفاجئت أكتر خصوصاً بعد وعد تامر حسني ليا وتأكيده أنه يحترم رغبتي وبعض الطلبات اللي طلبتها منه بكل احترام وود الصيف اللي فات وأكد لي أنه حيحترم رغبتي".

وتابعت: "احنا يمكن نجحنا بمقاييس الدنيا بس صدقوني بمقاييس ربنا احنا لم ولن ننجح انا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الامور صح، بتكلم من قلبي الكليب ده ميرضيش ربنا و أنا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل وبننسى.. انا مش حتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلاً علشان النجاح الحقيقي حاجة تانية خالص احنا اغلبنا ناسينها إلا القليلين منا".

وختمت حلا بالقول: "الفن لو بيخلينا نبعد عن منهج ربنا ومنبقاش قدوة لأولادنا يبقي باطل وميبقاش فن، احنا كلنا عندنا امتحان في الدنيا دي وحابة افكرك بالفيديو ده يا تامر اللي قولت فيه أنا مش بتمنى أموت وأنا مطرب أنا دايماً خايف من كده.. كلام أكيد قولته في لحظة صدق جواك وجوانا كلنا".

وقامت الفنانة حلا شيحة بإلغاء متابعة الفنان تامر حسنى على موقع "إنستغرام" رغم مشاركتهما مؤخراً في فيلم "مش أنا".

اقرأ أيضاً: حلا شيحة تثير الجدل بظهورها الأخير.. ما علاقة الحجاب؟ (صور)

وفيلم "مش أنا" من بطولة كل من تامر حسني وحلا شيحة وسوسن بدر وماجد الكدواني وحجاج عبد العظيم وشيرين وفايز المالكي وعدد آخر من الفنانين، بالإضافة إلى عدد من ضيوف الشرف، منهم محمد عبد الرحمن، وهو من تأليف تامر حسني وإخراج سارة وفيق.